Грицки кои всушност се ЗДРАВИ ЗА ВАС и за здравјето на цревата

Кога станува збор за здравјето на цревата, нашата исхрана игра главна улога. И тоа оди подалеку од појадокот, ручекот и вечерата – важно е и што грицкаме помеѓу тие оброци.

Ако сакаме да јадеме нешто крцкаво, знаеме дека стапчињата од зеленчук се подобри од чипсот, а ако сакаме нешто слатко, овошјето е поздрава опција од колачот. Меѓутоа, освен очигледните „нездрави“ грицки на кои треба да се ограничиме, има и такви кои треба почесто да ги јадеме.

Гастроентерологот д-р Сара Мезили откри една таква закуска, која дури и таа ја јаде неколку пати неделно и тврди дека и е омилена.

„Гицките ги сметам за нормален дел од мојата секојдневна исхрана. Јогуртите ми се омилени, или обични или помешани со свежо овошје. Јогуртот нуди многу хранливи материи како што се протеини, калциум, фосфор, витамин Б12 и витамин Д“, изјави д-р Мезили за Парад.

Пробиотските бактерии кои се наоѓаат во некои јогурти можат да спречат надуеност и запек.

Калциумот во јогуртот може да помогне во регулирањето на мускулите во дигестивниот тракт, промовирајќи го редовното варење, а протеинот во јогуртот може да придонесе за чувството на ситост и да го намали искушението да јадете помалку здрави опции.

Исто така, тие имаат големи придобивки за дигестивниот систем со регулирање на микробиотата во цревата. Пробиотските бактерии, кои се наоѓаат во некои јогурти, се она што може да помогне во регулирањето на микробиотата и може да спречи непријатни дигестивни несакани ефекти како надуеност и запек, додава д-р Мезили. Некои одлични опции за јогурт вклучуваат обичен грчки јогурт, скајр, кефир или јогурт со малку маснотии.

Лекарот ве советува да изберете обични или минимално засладени сорти, бидејќи некои јогурти со вкус може да содржат голема количина шеќер.