На Доналд Трамп ќе му биде дозволено да се врати на Фејсбук и Инстаграм, откако компанијата Мета објави дека ќе стави крај на двегодишната суспензија на неговите сметки, пренесува Sky News.
Суспензијата ќе заврши „во следните недели“, посочија од Мета.
Во изјавата, Ник Клег, претседателот за глобални прашања на Мета, рече дека јавноста „треба да може да слушне што велат нивните политичари“.
Тогашниот американски претседател беше суспендиран на неодредено време од Фејсбук и Инстаграм по немирите во Капитол во 2021 година.
Компанијата презеде акција по „пофалбите на Трамп за луѓето кои беа вклучени во насилството во Капитол“, рече Клег.
– Суспензијата беше вонредна одлука донесена во вонредни околности – додаде тој.
Тој рече дека прегледот утврдил дека сметките на Трамп повеќе не претставуваат сериозен ризик за јавната безбедност.
Но, поради минатите „прекршувања на правилата“ на Трамп, тој сигурно ќе се соочи со построги казни доколку ги повтори прекршувањата.
Републиканците долго време се залагаат за Трамп да се врати на Фејсбук додека се подготвува повторно да ја објави својата кандидатура за претседател на изборите следната година.