Гостивар
Гостивар во слава на 5 Мај: Да ни е жив и вековит македонскиот јазик!
Силни, емотивни пораки се слушнаа на манифестацијата која попладнево се одржа во Гостивар, во чест на претстојниот празник, 5 Мај-Ден на македонскиот јазик, а ја организираше Центарот за култура „АСНОМ“.
„Нашиот јазик е бисерен ѓердан кој со гордост треба да го носиме. Јазикот е душата на секој нација, јазикот е непроценливо богатство. Да го чуваме јазикот како зеницата во окото. Да ни е жив и вековит македонскиот јазик!“, ова беа дел од зборовите искажани на сцена од учениците од основните училишта, коишто учествуваа во културно-утемничката програма на свеченоста.
Покрај литературно читање на лични творби и стихови од познати македонски автори, беа подготвени и драматизации, ритмички точки и фолклорни игри. Додека траеше програмата, дел од учениците пак, на сцената ја покажаа својата уметничка умешност. Организаторот од Центарот за култура, Валентина Тасеска изрази благодарност до сите учесници, соработници и гости за успешно и достојно одбележување на празникот.
„Овој Центар на култура во Гостивар вечерва е центар на светот, на оваа грандиозна манифестација во слава на македонскиот јазик. Македонскиот јазик во кој е вдахновен нашиот прв животворен здив, нашето прво обраќање кон светот, оној кој е задоен од нашето мајчино млеко, прекрасен, раскошен, недостижен македонски јазик низ кој расте нашиот првоговор, но и правоговор.“, рече меѓудругото во своето обраќање проф. д-р Кристина Николоска, директор на Меѓународниот семинар за македонски јазик.
Николоска и писателот Горјан Петревски беа почесни гости на настанот во Гостивар.
„Многу ми е драго што сме овде во Гостивар на една ваква значајна манифестација, која го величи македонскиот јазик, го потенцира значењето да си го чуваме, негуваме и почитуваме јазикот“, рече Петревски.
Програмата беше реализирана во соработка со основците и менторите Боге Димитриески, Елизабета Смилеска и Валентина Николоска.
На 5-ти мај во 1945 година, со Решение на Народната влада на Федерална Македонија е усвоена азбуката на македонскиот јазик, а по два месеци Министерството за просвета го озаконило и првиот правопис на македонскиот јазик.
Кодификацијата на современиот македонски стандарден јазик се заокружува со основоположничките дела на Блаже Конески – Граматиката на македонскиот литературен јазик, Речникот на македонскиот јазик и Историјата на македонскиот јазик.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 2 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
Гаражна распродажба во РАМСТОР: Огромни попусти до 70% на шопинг до 11ти Февруари!
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок