Рамала, 26 февруари 2024 (МИА) – Палестинскиот премиер Мохамед Штајех денеска изјави дека поднел оставка и својата одлука му ја пренел на палестинскиот претседател Махмуд Абас.

Штајех рече дека поднел оставка за да изгради поширок консензус меѓу Палестинците за политичките аранжмани по израелската војна против Хамас во Појасот Газа.

Потегот доаѓа во време на зголемен притисок на САД врз палестинскиот претседател Абас да ја реорганизира палестинската самоуправа во време кога се интензивираат меѓународните напори за прекин на борбите во Појасот Газа и почеток на работа за создавање политичка структура за управување со енклавата по војната. јт/