Серхио Рамос половина година е без ангажман, но ветеранот кој има 38 години не планира да се пензионира, туку е во активна потрага по нов клуб. Се шпекулираше дека Рамос може да се врати во Реал Мадрид, каде што помина повеќе од една и пол деценија, но од Кралскиот клуб демантираа дека е можен таков договор.
Рамос минатата сезона играше во матичниот клуб Севилја, но само по една сезона решија да ја раскинат соработката. Медиумите од Шпанија и Англија сега најавуваат дека е можно Рамос да заигра во англиската Премиер лига.
За искусниот Шпанец интерес покажал Њукасл, тим кој сезонава игра под очекувањата. Њукасл синоќа на свој терен загуби со 0:2 од Вест хем, па Чавките останаа на 18 бода од 12 натпревари и се на десеттото место на табелата. Најавите се дека Њукасл е подготовен да му понуди договор на Рамос до јуни 2026 година, верувајќи дека токму неговото искуство може да ја зацврсти одбраната во тимот.
Newcastle are prepared to offer Sergio Ramos an 18-month deal worth €10m to help address their defensive injury crisis.
(Source: Fichajes) pic.twitter.com/Q3VfS9Assf
— Transfer News Live (@DeadlineDayLive) November 25, 2024
