283
Тренерот на Баерн Минхен, Томас Тухел од следната сезона би можел да биде на чело на еден од најдобрите клубови во Серија А, објавија во неделата италијанските медиуми. Милан покажува сериозен интерес за привлекување на стручњакот, кој ќе се раздели со Баварците.
Раководството на миланскиот клуб го гледа Тухел како алтернатива на Жоао Консеисао. Доколку пропаднат преговорите со Португалецот, „росонерите“ ќе ја понудат позицијата на Германецот.
Баерн Минхен во февруари објави дека 50-годишниот тренер ќе си замине на крајот од актуелната сезона.
Баварците ја загубија титулата во Првата Бундеслига, но се во полуфиналето на Лигата на шампионите. Во претпоследната фаза од престижниот турнир, противник на „црвените“ е Реал Мадрид.