Во пресрет на одбележувањето на 18 Мај – МЕЃУНАРОДЕН ДЕН НА МУЗЕИТЕ 2023,ќе се одржи Советување кое е традиционално организирано од страна на Здружението Македонски национален комитет на Меѓународниот совет на музеите (МНК ИКОМ) уште од 1994 година. Согласно ваквата востановена пракса на МНК ИКОМ, оваа година Советувањето е на темата „Музеи, одржливост и благосостојба“.
Советувањето е поддржано од Министерството за култура, во рамките Годишната програма за финансирање на проекти од национален интерес во културата за 2023 година.
Во однос на темата „Музеи, одржливост и благосостојба“ согледувањата/насоките се следните:
– Музеите се клучни придонесувачи за благосостојбата и одржливиот развој на нашите заедници. Како доверливи институции и важни нишки во нашето заедничко општествено ткиво, тие се уникатно поставени за да создадат каскаден ефект за поттикнување на позитивни промени. Постојат многу начини на кои музеите можат да придонесат за постигнување на целите за одржлив развој: од поддршка на климатските активности и поттикнување на инклузивноста, до справување со социјалната изолација и подобрување на менталното здравје.
– Како што е нагласено во Резолуцијата на ICOM „За одржливост и имплементација на Агендата 2030, трансформирање на нашиот свет“ (Кјото, 2019), сите музеи имаат улога во обликувањето и создавањето одржливи иднини, а тоа можат да го направат преку едукативни програми, изложби, пристап до заедницата и истражување.
Секоја година од 2020 година, Меѓународниот ден на музеите поддржува збир на цели од Целите за одржлив развој на Обединетите нации. Во 2023 година ќе се фокусира на:
– Цел 3 Глобално здравје и благосостојба: Обезбедете здрав живот и промовирајте благосостојба за сите на сите возрасти, особено во однос на менталното здравје и социјалната изолација.
– Цел 13 Акција за климата: Преземете итни мерки за борба против климатските промени и нивните влијанија, усвојувајќи практики со ниска содржина на јаглерод на глобалниот север и стратегии за ублажување на глобалниот југ.
– Цел 15 Живот на копно: Заштита, обновување и промовирање на одржливо користење на копнените екосистеми, засилување на гласовите на домородните лидери и подигање на свеста за губењето на биолошката разновидност.
На 18 мај, ги охрабруваме сите членови на граѓанското општество да се здружат и да го реализираат целосниот трансформативен потенцијал што го имаат музеите за одржлив развој и благосостојба!
На Советувањето на тема „Музеи, одржливост и благосостојба“, кое е во организација на МНК ИКОМ, и ќе се одржи на 17.5.2023 година, со почеток во 11 часот, во НУ Музеј на современата уметност – Скопје, по петнаесетти пат ќе биде доделена и традиционалната награда „18 Мај – Меѓународен ден на музеите“ за особени достигнувања во музејската дејност за 2022 година. Во однос на традиционалната награда „18 Мај“, категориите за пријавување се следните: 1. Музеј на годината; 2. Музејски проект на годината; 3. Музејски работник на годината и 4. Надворешен музејски соработник.
Според Комисијата за доделување на наградата „18 Мај – Меѓународен ден на музеите“ за особени достигнувања во музејската дејност за 2022 година награди се доделија на следните колеги/институции: Музеј на годината на НУ Национална галерија на РС Македонија; Музејски проект на годината на НУ Спомен куќа на Мајка Тереза за проектот „Двете рози на Исус“, автор: Цветанка Вучковска – Митовска; Музејски работник на годината на м-р Ана Франговска, виш кустос од НУ Национална галерија на РС Македонија.
Пофалници се доделија на следните колеги/институции: Музејски проект на годината на Меморијален центар на холокаустот на Евреите од Македонија за Проектот „Покривање на постојаната поставка со брајова азбука и знаковен јазик како еден мега проект за инклузивност“;Музејски проект на годината на НУ Завод и музеј Битола за проектот „Грло елемент од народна носија“, автор: Наде Геневска Брачиќ; Музејски проект на годината на НУ Музеј на РС Македонија за публикување на изданието „Македонски Сокај“, автор: Горданче Видиниќ; Музејски проект на годината на ЈУ Музеј на град Скопје за проектот „Точки на интерес“, автор: Станимир Неделковски; Музејски проект на годината на НУ Музеј на РС Македонија за проектите „Гозби за живите, претците, боговите и светците“ и „Повеќе од зборови – Благоја Дрнков во етнолошката музејска архива“, автор Јован Шурбановски; Музејски работник на годината на д-р Ирена Ружин од НУ Завод и Музеј Битола и Музејски работник на годината на Климент и Биљана Балеви од НУ Завод и Музеј Охрид.
