На њујоршки Волстрит, индексот S&P 500 достигна рекордно високо ниво во четвртокот, како и Nasdaq индексот, најмногу благодарение на добивките на технолошките акции, додека податоците за инфлацијата беа во согласност со очекувањата.
Индексот Dow Jones зајакна 0,12 отсто, на 38.996 поени, додека S&P 500 порасна за 0,52 отсто, на 5.096 поени, а индексот Nasdaq 0,90 отсто, на 16.091 поени.
Новите рекорди за S&P 500 и Nasdaq индексите во голема мера се должат на растот на цените на акциите на технолошките гиганти, како што се производителите на чипови „Nvidia“ и „Advanced Micro Devices“.
Позитивно влијание врз пазарот имаа и податоците за инфлацијата, кои беа во согласност со очекувањата. Индексот на цените на личната потрошувачка, вклучително и енергија и храна, во јануари е зголемен за 0,3 отсто на месечно и 2,4 отсто на годишно ниво.
Тоа донекаде ги зацврсти проценките на пазарот дека американската централна банка би можела да започне со намалување на каматните стапки во јуни, додека претставници на Fed велат дека нема причина да се брза со намалување на каматните стапки.
Главно благодарение на еуфоријата за развојот на вештачката интелигенција, берзанските индекси пораснаа во февруари четврти месец по ред. Во изминатиот месец, Dow Jones порасна за 2,2 отсто, додека S&P 500 скокна за 5,2 отсто, а индексот Nasdaq порасна за 6,1 отсто.
И на повеќето европски берзи цените на акциите вчера пораснаа. Лондонски FTSE индекс зајакна за 0,07 отсто, на 7.630 поени, а франкфуртски DAX за 0,44 отсто, на 17.678 поени. Парискиот CAC сепак ослабе за 0,34 отсто, на 7.927 поени.
()