пред 1 месец Филаделфија го освои седмото место во Источната конференција во НБА лигата, а са осмото ќе играат Чикаго Булас и Мајами Хит. Изминатата ноќ, дуелот на Филаделфија и Мајами заврши 105:104, додека Чикаго Булс ги збришаа Атланта Хокс со 131:116.
Филадлефија, во плеј-ин мечот против Мајами, на домашен терен, успеа да се врати од негативата од 14 поени и во пенал завршницата да ги совлада Хит. Ветеранот Николас Батум го иницираше пресвртот. 39-годишникот одигра како во најдобрите денови од кариерата, со 20 поени беше втор најдобар стрелец на Филаделфија. Џоел Ембид ги предводеше победниците со 23 поени и 15 скокови.
Кај Мајами се истакна Тајлер Хиро со 25 поени и девет асистенции.
Филаделфија во првото коло, во плеј-офот ќе игра против Њујорк Никс.
Борбата меѓу деветтиот и десеттиот тим на Истокот не донесе никакв а неизвесност. Чикаго лесно славеше над Атланта 131:116.
Блескаше кај Чикаго Коби Вајт со 42 поени, девет скока и шест асистенции, Никола Вучевиќ додаде 24, со 12 скока и две асистенции и ДеМар Дерозан забележа 22 поени, девет асистенции и шест скока.
Атланта имаше четворица играчи со 20+ поени, но тоа не беше доволно да го избегне поразот.
Дижонте Мареј имаше учинок од 30 поени, седум скока и шест асистенции, Клинт Капела забележа 22 поени и 17 скока, Треј Јанг 22 поени и 10 асистенции, а Богдан Богдановиќ 21 поен, пет скока и четири асистенции.
Во сабота еден час по полноќ Мајми и Чикаго ќе решат кој ќе им се спротивстави на Бостон Селтикс во првата плеј-оф рунда.
Би можело да ве интересира
Дефинитивно пукна љубовта меѓу Јувентус и Погба
Арсенал се спаси од пораз, но Сити најмногу се радува на бодот за Саутемптон
Битка на членовите на богатите семејства околу Роналдо
Еспрагаро најбрз, Роси дебитираше за Петронас Јамаха
Ибрахимовиќ се сомнева во годините на Лукаку
Луис Алберто контра Лацио: Купуваат авион, а каде се нашите пари?
