Научниците открија „Џиновска дупка“ во Сонцето: Како ова ќе се одрази на нашата планета?

Научниците открија џиновски црн регион на Сонцето наречен коронална дупка. Дупката ја забележа опсерваторијата за соларна динамика на НАСА. И покрај името, не станува збор за физичка дупка на Сончевата површина; короналните дупки се поладни, така што тие не светат како другите области на Сонцето и затоа се чини дека се црни, пренесува „Science Alert“.

„Сегашната коронална дупка е со ширина од 300.000 до 400.000 километри. Тоа се 20-30 Земји наредени една до друга“ – вели Алекс Јанг, директор за наука во Одделот за наука и хелиофизика на НАСА.

Короналните дупки се вообичаени и тука нема ништо необично, вели Скот Мекинтош, соларен физичар и заменик-директор на Националниот центар за атмосферски истражувања. Ваквите дупки се дел од нормалната активност на Сонцето, но Мекинтош рече дека тие не се добро разбрани и овие настани ги нарече темната страна на Сончевата активност.

Короналните дупки се извор на брзи соларни ветрови кои достигнуваат брзина од 500 до 800 километри во секунда, а овие ветрови треба да стигнат и на Земјата до крајот на оваа недела.

„Веројатно ќе почнеме да ги забележуваме ефектите од ветерот со голема брзина на 24 март. Кога ветерот со голема брзина ќе стигне до Земјата, честичките и магнетното поле што ќе ги носи ќе комуницираат со магнетното поле на Земјата“ – вели Јанг.

Помоќните магнетни полиња може да предизвикаат електрично затемнување или да ја нарушат комуникациската технологија. Но, короналните дупки, дури и големите како оваа, се многу помалку насилни. Значи, главниот ефект што треба да го очекуваме овој петок е поживописна поларна светлина.

Сепак, влегуваме во нова фаза на зголемување на Сончевата активност каде што короналните дупки ќе бидат поретки, а исфрлањето на короналната маса и моќните соларни изливи ќе станат почести, рече Јанг.

Ова загрижува затоа што моќните магнетни полиња од короналните масовни исфрлања и Сончевите блесоци се познати по тоа што ги пржат сателитите, но, сепак, овие настани се ретки.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот