Светскиот рекет број 2, Карлос Алкараз го заврши учеството на тенискиот турнир Мастерс 1000 во Мадрид, откако во четврт-финалето беше запрен од Андреј Рубљев. Сепак, ова не беше неговиот најголем проблем.
Руски бизнисмен и сопственик на обложувалници, Михаил Залтсман го обвини дека мести натпревари во главниот град на Шпанија. Тој испрати изјава до АТП, Шпанската тениска федерација, обвинителството во Шпанија и организацискиот одбор на турнирот во Мадрид, во кое наведе докази дека Алкараз бил поврзан со група која заработувала на основа на обложување.
Се вели дека во последните два меча Карлитос намерно загубил по еден гем на свој сервис.
Еве што изјави Салцман за медиумите во Русија: „Во последно време многумина го претпочитаат таканареченото обложување во живо. А кога станува збор за потенцијално последниот гем на натпреварот, на нив се „обложуваат“ многу големи суми, бидејќи тоа е последен облог на натпреварот. Од коефициентот на Алкараз освојувањето на гемот на негов сервис е ниско, се вложуваат уште поголеми суми за победата да биде значајна“.