Во второто дерби на 34-тото коло во Серија А, Наполи и Рома одиграа 2:2 и ги поделија бодовите како и Јувентус и Милан кои играа синоќа.
Со ремито, Рома остана на петтото место на табелата кое води во Лигата на шампионите следната сезона со 59 бода, два повеќе од Аталанта, додека Наполи е осми со 50 освоени бодови и му виси настапот во европските купови.
Сите четири гола на стадионот „Диего Марадона“ беа постигнати во второто полувреме, а Рома со гол во последната минута се спаси од пораз.
Римската волчица поведе во 59-тата минута откако Пауло Дибала го реализира ударот од белата точка. Но, Наполи само шест минути подоцна израмни преку Оливеира.
Во финишот, Виктор Осимен во 84-тата минута со гол од пенал му носи водство на Наполи, но тоа не беше се на овој натпревар.
Тами Абрахам во 89-тата минута успеа да ја спаси Рома од пораз и да ја остави во пол-позиција за петтото место на табелата кои носи во ЛШ.
Ремито на Рома го искористи Аталанта да и се приближи на само два бода на четири кола до крајот. Триумфот на Аталанта го обезбедија Марио Пашалиќ во 42-тата минута и Адемола Локман со голот постигнат на стартот од второто полувреме.
