Јапонскиот премиер Кишида за хомофобичниот коментар на својот секретар рече дека е скандалозен

Фумио Кишида
Јапонскиот премиер, Фумио Кишида / Фото: EPA-EFE/EUGENE HOSHIKO / POOL

Јапонскиот премиер Фумио Кишида денеска ја оцени за „скандалозна“ хомофобичната изјава на еден од неговите секретари, Масајоши Араи, што укажува дека тој може да размисли за негово разрешување.

Араи на новинарите вчера им изјави дека „не сака ни да ги погледне хомосексуалните двојки“ и дека не би сакал такви двојки да живеат во неговото соседство, соопшти јапонската државна телевизија НХК.

-Луѓето ќе ја напуштат земјата доколку дозволиме хомосексуални бракови, додаде Араи.

Кишида денеска изјави дека Јапонија сака инклузивно општество и ја препознава различноста.

-Коментарите на секретарот се целосно неконзистентни со нашата политика и се скандалозни, рече јапонскиот премиер и додаде дека ќе преземе строги мерки против него.

Кишида, меѓутоа, во средата во парламентот изјави дека истополовите бракови ќе „влијаат врз општеството“ и дека пратениците треба да бидат „исклучително внимателни во разгледувањето на ова прашање“.

Араи уште синоќа се извини за гафот, додавајќи дека неговата изјава е несоодветна, иако е тоа е негово лично мислење.

Јапонија е единствената нација во групата Г7, седум најиндустриски развиени земји, која не ги признава хомосексуалните заедници.

Јапонскиот Устав од 1947 година вели дека „бракот се заснова исклучиво на взаемна согласност на двата пола“ и „со еднакви права на мажот и жената“.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот