Без оглед на тоа дали сте почетник во обојувањето јајца или веќе со години го практикувате овој обичај во своето семејство, едно е сигурно, има многу идеи кои може да ги искористите.
Поради тоа што се ближи еден од најголемите христијански празници, вистинско време е да одлучите со која техника ќе ги направите вашите јајца да изгледаат прекрасни.
Ние ќе ви пренесеме две идеи, една со ориз, а друга со шлаг. Во двата случаи се користат прехранбени бои кои се здрави и нема да го загрозат здравјето на вашите најмили.
Техника со ориз
За оваа техника потребни се бели јајца. Доколку немате тогаш применете трик за избелување, а потоа подгответе ги следните состојки:
– ориз;
– прехранбени бои;
– јајца.
Подготовка:
Во ќесичка ставете ориз и во него додадете боја. Ставете неколку капки боја колку што сакате за истата да биде распространета на јајцата. Почнете со пет до шест капки во оризот и додавајте од боите по потреба. Ставете го јајцето во ќесичката и лесно протресете за бојата да остане на него.
Техника со шлаг
Состојки:
– шлаг;
– вода;
– боја за колачи во вид на гел.
Подготовка:
Изматете го шлагот со водата според упатството. Во шлагот додадете бои за колач, а потоа помешајте ги. Во таа смеса додадете го јајцето и потрудете се јајцето од сите страни да биде опфатено со боја. Оставете ги во фрижидер 30-40 минути, а потоа измијте ги со вода или едноставно шлагот отстранете го со салфета.