Грузискиот репрезентативец Квича Кварацхелија е главната цел на ПСЖ во јунскиот трансфер период, по неуспехот на тимот да дојде до финале во Лигата на шампионите оваа сезона.
Како што пренесува „Кориере дело спорт“, 23-годишниот Кварацхелија треба да биде најголемото засилување за ПСЖ ова лето. Наполи е подготвен да го продаде, но согласно последните информации очекува понуда од ПСЖ од најмалку 100 милиони евра.
Според пишувањата, и самиот Кварацхелија сака нова авантура ова лето, а нема ништо против да се пресели во Париз.
Грузиецот оваа сезона и не блеска нешто во дресот на наполитанците, за разлика од минатата, а вистината е и дека Наполи воопшто како тим е далеку од оној од минатата сезона. Сезонава Кварацхелија има само 10 гола и девет асистенции во 42 настапи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
