Луис Енрике за статусот на ПСЖ во полуфиналето: Новинарите не го разбираат фудбалот

ПСЖ ќе се соочи со Борусија Дортмунд во полуфиналето на Лигата на шампионите, а тренерот Луис Енрике не се согласува дека  неговиот тим е фавирот во двомечот со бундеслигашот.

Шпанскиот стручњак реагирал нервозно на таквата констатација на еден од новинарите, одговарајќи во свој стил.

– ПСЖ е фаворит?

– Токму поради вакви работи велам дека новинарите не го разбираат фудбалот.

– Ќе имаме можност да уживаме во уште еден европски натпревар кој ќе се игра во одлична атмосфера, а сигурен сум дека секоја од четирите екипи ќе бидат незадоволни ако останат без пласман во финалето.

– Ќе се обидеме да победиме на наш начин, сигурен сум дека ќе биде шоу и ќе има голови, – рекол Луис Енрике.