Вкупниот промет во индустријата, во јануари 2024 година, во однос на јануари 2023 година, е намален за 12,8 %, покажуваат податоците на Државниот завод за статистика.
Во однос, пак, на декември лани, прометот во индустријата се намалил за 14,2 %.
Според главните индустриски групи, вкупниот промет во индустријата, во јануари 2024 година, во однос на јануари 2023 година, бележи опаѓање кај интермедијарните производи, освен енергијата за 7 % и кај капиталните производи за 25,1 %, додека бележи пораст кај трајните производи за широка потрошувачка – од 1,9 % и кај нетрајните производи за широка потрошувачка од 8 %.
Најголем раст на прометот во индустријата за период од една година имале секторите за поправка и инсталирање на машини и опрема, каде што е забележа раст од 171 % и во индустријата за производство на тутунски производи, каде што е забележан раст на прометот од 131 %.
Највисок пад на промет од 41,6 % бележи рударството, по кое е дрвната индустрија со пад на прометот од 43,5 %.
Прометот во индустријата на домашниот пазар, во јануари 2024 година, во однос на јануари 2023 година, се зголемил за 2,5 %.
Според главните индустриски групи, прометот во индустријата на домашниот пазар во споредуваниот период бележи пораст кај капиталните производи од 34,3 % и кај нетрајните производи за широка потрошувачка од 4,5 %, додека бележи опаѓање кај интермедијарните производи, освен енергијата – за 2,5 % и кај трајните производи за широка потрошувачка за 3,5 %.
Прометот во индустријата на странските пазари, во јануари 2024 година, во однос на јануари 2023 година, забележал пад од 16,8 %. Во овој промет, највисок пораст од 190,3 % има прометот на тутунската индустрија.
Во однос, пак, на декември лани, прометот во индустријата во јануари годинава се намалил за 14,2 %. На домашниот пазар, прометот во јануари, во однос на декември, се намалил за 18,8 %, додека прометот на индустријата на странските пазари забележал пад од 9 %
