Незапирливата поп ѕвезда: Тејлор Свифт продолжува да ги руши сите рекорди

Со албумот „The Tortured Poets Department“, славната пејачка продолжува да го освојува светот и да руши рекорди во продажба и стриминг. Таа е феномен на новата генерација, а од 9 мај се враќа на распродадената турнеја.

Тејлор Свифт уште еднаш влезе во музичката историја: „The Tortured Poets Department“ го зазеде првото место на листата на албуми Billboard 200. Тоа е дури 14-ти албум со кој таа се најде на самиот врв на таа музичка топ листа, со што го изедначи рекордот со музичарот Џеј Зи, кој досега го држеше рекордот за „најбројни“ меѓу соло изведувачите, додека Битлси како бенд сè уште го држи првото место со дури 19 од нив.

„The Tortured Poets Department“ е исто така најстримуваниот албум во првата недела по неговото објавување откако Билборд почна да ја следи оваа статистика во декември 2014 година. Според нивната бројка, 31 песна од луксузното издание добија неверојатни 891,34 милиони официјални стримови. Само со тоа Свифт ги стави Дрејк и неговиот албум „Scorpion“ на второто место со 745,92 милиони стримови, со кои дебитираше во 2018 година. Тејлор го коментираше успехот на социјалните мрежи и им се заблагодари на сите свои фанови. „Ова е неверојатно. Љубовта што ја покажувате за овој албум е неверојатна. Ви благодариме што го слушавте, стримувате и го прифативте албумот „The Tortured Poets Society“, рече Тејлор.

Албумот ја постигна третата најголема продажна недела досега кога станува збор за традиционалната продажба на албуми во модерната ера, откако музичката агенција Luminate започна да ја следи продажбата во 1991 година. Тоа е и најголемата продажна недела за албум издаден на винил. Секако, овие рекордни бројки го прават „The Tortured Poets Department“ најпродаван албум во 2024 година досега, а на второ место во моментов е „Cowboy Carter“ на Бијонсе – а уште не сме ни на половина пат од годината.