НЕПОБЕДЛИВА ЉУБОВ – од понеделник до петок во 13:40

Леона Браво има само една цел. Да влезе во светот на Рамзес Торенегро, сопственик на многу пиварници низ земјата и човек вмешан во валканиот бизнис со трговијата со луѓе, со цел да му се одмазди за нејзината лична трагедија што ја преживеала во минатото…

На брегот на Пацификот, Марена Рамос, млада девојка што продава риби на плажата, ќе доживее несреќа што ќе ја предизвика Гаел Торенегро, младиот наследник на пиварници низ Мексико. Плашејќи се од бесот на татко му, тајно ја носи Марена на рехабилитација кај привлечниот Адриан. Гаел и Марена почнуваат да чувствуваат силна меѓусебна привлечност, но и Адриан има силни емоции кон неа. Марена возвраќа на љубовта на Гаел и останува бремена со близначиња. Гаел е против раѓањето на децата.

Една ноќ таа и Адриан ќе ја откријат мрежата за трговија со жени зад која стои Рамзес Торенегро.

Марена го осудува Рамзес, но неговиот одговор е безмилосен и фатален за нејзиното семејство.

Кога таа ќе се породи со близнаците, Рамзес ќе ја запали болницата, но зема едно од новороденчињата. Сите веруваат дека Марена и другото бебе се мртви.

Што се случило со нејзините деца? Каде се наоѓаат и желбата за одмазда повторно ги спојува Марена и Адриан, таа во потрага по своите деца, а Адриан желен за одмазда заради смртта на својата љубов.

Нејзиното име е Леона Браво, а неговото Дејвид Алехо.