Навистина несекојдневна ситуација се случи пред почетокот на четвртиот меч од серијата помеѓу Лос Анџелес Лејкерс и Денвер во првото коло од плејофот во НБА лигата.
Некои од играчите на Денвер, како Мајкл Портер Јуниор, Реџи Џексон, но и Никола Јокиќ на загревањето пред натпреварот носеа влечки и чорапи.
The team bus carrying the Nuggets player’s shoes was a little delayed getting to the arena tonight ahead of Game 4, I’m told. Some players were shooting around and starting their warmup in slides. The bus has since arrived.pic.twitter.com/FDkiI6arqv
— Harrison Wind (@HarrisonWind) April 27, 2024
Причината за излегувањето во влечки е тоа што автобусот со патиките доцнел до местото во Лос Анџелес.
– Дали е тоа идеално? Не е. Но, јас не сум човек кој бара изговори. И тоа сигурно нема да го апострофирам како причина за пораз. Многу повеќе ме загрижува тоа што повторно добивме голем број поени од рекетот – изјави тренерот на Нагетс, Мајк Мелоун.
Пред овој меч, Денвер имаше предност од 3-0 во серијата, но Лејкерси успеаја да слават со 119:108 и со тоа да обезбедат барем уште еден натпревар.
Петтиот меч се игра во Колорадо и ќе биде нова меч топка за Нагетс.