Украинскиот претседател Володимир Зеленски денеска ги повика странците кои работат во Украина да ја „шират вистината за рускиот терор“.
„Сите вие, кои работите во Украина, во Киев, подеднакво со сите Украинци, слушнете го воздушниот напад, надевајте се на силата на нашата противвоздушна одбрана и видете како нашите луѓе го обновуваат животот по нападот. Ве молиме да ја ширите вистината за војната – за рускиот терор во вашите земји, како и за да помогнете во зајакнувањето на нашата противвоздушна одбрана“, рече Зеленски на состанокот со претставници на земји-партнери, меѓународни организации и украински дипломати.
Според него, сите знаат колку се ефективни Patriot, IRIS, NASAMS и другите модерни системи за одбрана на небото, пренесe Ukrinform.