Градоначалникот на Општина Илинден, Александар Георгиевски, информираше дека продолжува со интензивна комуникација со граѓаните во сите населени места во Општината, со цел да ги слушне идеите и предлозите на граѓаните за креирање на буџетот за следната година.
Тој вети дека предлозите ќе се анализираат и според финансиските можности, ќе се остваруваат.
-Продолжуваме со интензивна комуникација со граѓаните во сите населени места, каде заедно со службите сум на терен и се обидуваме да доставиме анкетни прашални листови до секој дом и граѓанин, со цел да им овозможиме да учествуваат во креирањето на општинскиот буџет за идната година. Сите предлози на граѓаните темелно ќе ги анализираме и сите според финансиските можности, остварливоста и издржливоста ќе ги инкорпорираме во плановите за работа во буџетските програми. Анкетните прашалници можат да ги достават и преку електронски пат (ilinden@ilinden.gov.mk) со пополнување на анкетен лист/прашалник на нашиот сајт www.ilinden.gov.mk, или да ги достават во архивата на Општината секој работен ден до 30.11.2022 година - информираше Георгиевски.
