За гласање на претседателските избори во Охрид се пријавени 172 болни и изнемоштени лица
Охрид, 18. април 2024 (ОХРИДПРЕС) – За претстојните претседателски избори во Охрид за гласање се пријавиле вкупно 172 болни и изнемоштени лица, информираат за Супер радио и OhridPress од Општинската изборна комисија (ОИК Охрид).
Додаваат дека сите пристигнати пријави биле прифатени. Овие граѓани своето гласачко право во домашни услови ќе го остварат во вторник, 23-ти април.
Од ОИК неодамна информираа дека променета е локацијата на 8 избирачки места на територијата на Општина Охрид:
– ИМ 1271, од МЗ „Билјанини избори“, улица „Мирче Ацев“ број 31, префрлено е во ЈЗУ Општа болница (Модуларна), на улица „Сирма војвода“ број 1.
– ИМ 1260, од приватен објект на улица „Даме Груев“ е префрлено во ОСУ „Св. Климент Охридски“ од Охрид (Гимназија).
– ИМ 1297, од хотел „Бетон“ е префрлено во Основното училиште во селото Долно Коњско.
– ИМ 1281 и 1281/1, се префрлени од приватен објект во населбата „Видобишта“ во ОЕМУЦ „Св. Наум Охридски“, на улица „Живко Чинго“ број 1.
– ИМ 1283 и 1283/1, се префрлени од приватен објект на улицата „Момчило Јорданоски“ во ОУ „Христо Узунов“, на улица „Питу Гули“ број 128.
– ИМ 1267, е префрлено од МЗ „Железничка“ во приватен објект на улица „Железничка“ број 104 А. (Крај)
извор: ОхридПрес фото: архива
@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |