Иконата на германскиот фудбал, Бернд Холценбајн, почина на 78-годишна возраст по долга борба со деменцијата.
Холценбајн е најдобар стрелец во историјата на Ајнтрахт Франкфурт. На 420 натпревари во Бундеслигата, тој постигна 160 гола, а беше херој на германската репрезентација во финалето на Светското првенство кое се одржа 1974 година.
Холценбајн во финалето се избори за пенал, со кој Германија израмни на 1:1 против Холандија, а потоа благодарение на голот на Герд Милер, поведе со 2:1 и ја освои втората светска титула.
Холценбајн е шести фудбалер кој почина, а е дел од славната германска генерација која триумфира на СП 1974, пред него починаа и Герд Милер, Франц Бекенбауер, Јирген Грабовски, Хорс-Дитер Хетгес и Хајнц Флохе.
It's a sad day for Eintracht Frankfurt. A great legend has left us.
Bernd Hölzenbein, passed away on Monday at the age of 78, surrounded by his family. 🖤 pic.twitter.com/FtKNp9WIaB
— Eintracht Frankfurt (@eintracht_eng) April 16, 2024
Холценбајн со Ајнтрахт во 1980 година триумфира во Купот на УЕФА, а трипати го има кренато пехарот во Купот на Германија (1974,1975,1981).
По играчката кариера, Холценбајн се врати во Ајнтрахт, каде што беше и потпретседател и тренер на тимот и ќе остане запаметен како креатор на супертимот со Уве Бејн, Ентони Јебоа, Андреас Мелер, Мауриио Гаудињо и Џеј-Џеј Окоча.