Фудбалерите на Челзи го совладаа Евертон со 6:0, но никој не зборува за тоа, туку за срамното однесување на играчите на „сините“ кои како деца во парк се расправаа кој ќе го изведе пеналот.
Кол Палмер беше стрелец на дури четири гола, но приказната не е за него, туку за Николас Џексон и Нони Мадуек, кои на средината од теренот се расправаа кој ќе го изведе пеналот.
this is fucking embarrassing from both Noni Madueke and Nico Jackson https://t.co/gcI8JGsh82 pic.twitter.com/XLKKp7XWbG
— harry k. (@HarryKayNeezy) April 15, 2024
Челзи доби пенал во 61-та минута откако Палмер беше соборен во шеснаесетникот на Евертон додека сините водеа со 4:0. Топката прво ја зеде Мадуек, а потоа Џексон му пријде и се обиде да му ја одземе, имаше дури и туркање, а Галагер се вклучи во дискусијата. Тие се однесуваа како деца, додека останатите играчи со неверување гледаа што се случува.