Според анкетата на Центарот за политички истражувања и комуникации (ЦРПЦ) направена во соработка со Здружението за новинарство, информирање, комуникации и маркетинг услуги „Глас на вистината”, спроведена телефонски во периодот од 8 до 13. април, опозициската ВМРО-ДПМНЕ има најголема доверба кај граѓаните.
На партијата својот глас би и го дале 22,8 отсто од анкетираните, а за владејачката СДСМ би гласале 16,3 отсто од испитаниците.
Трета е коалицијата “Вреди„ со 7,7 отсто, следи коалицијата „Европскиот фронт„, 6,9 отсто, за Левица би гласале 3,9 од анкетираните, за ЗНАМ, 3,2 отсто од анкетираните…
Дури 17,6 отсто одговориле дека нема да гласаат за никого, а 21,6 отсто не дале никаков одговор.
Анкетата е спроведена врз 1.210 испитаници избрани според случаен метод. Истражувањето било реализирано на ниво на цела Македонија, а запазени се етничкиот состав, бројот на гласачи и географската распределба.
Маргина на грешка на оваа анкета е плус или минус 3 отсто.
ПОВРЗАНИ ВЕСТИ
(Фото) Давкова прва, Пендаровски втор, Таравари трет: Анкета на ЦРПЦ
Фото: Игор Бансколиев/илустрација: ЦРПЦ