Спорт
„Емотиконот“ јасно покажува што мисли Леао за зборовите на Касано
Антонио Касано, поранешен напаѓач на италијанската репрезентација и бројни италијански клубови, во текот на кариерата беше познат по своето контроверзно однесување, а откако замина во пензија се посвети на работата во медиумите. Често ги критикува големите ѕвезди. Неодмана негова „мета“ беше напаѓачот на Милан, Рафаел Леао.
„Лео мисли дека е гениј, а некои дури се согласуваат со него. Мислам дека тој е добар играч и не сум го сменил мислењето околу тоа. Четири и пол месеци не постигнал гол во лоша лига каква што е Серија А. Гледав како Маркус Рашфорд минатата сезона постигна 25 гола, а игра во силна лига. Фоден е една година помлад и веќе има 21 гол и 10 асистенции. Тој е добар играч и силен и точка. Кака, Руи Коста, Винисиус? За што зборуваме? Зборуваме за обичен играч кој е силен“, изјави Антонио Касано за ТВ шоуто „Ла Доминика Спортива“.
„Пред 10, 15 години немаше да има место во тимови кои се борат за шесто, седмо место на табелата. Кој е шампион според мене? Погледнете го Лаутаро, тој трча, се жртвува, дава голови, асистенции. .. Тој е лидер. Никој не зборува за Лоботка. Пред две години зборував дека е играч за Барселона и Баерн. Го прашаа Чави кого бил зел во неговиот тим и тој рече дека тоа би бил Лоботка. Проблемот е во тоа што одредени играчи и тренери имаат силна позадина и поддршка од новинарите“.
По повод овие зборови на социјалните мрежи се огласи и Леао, кој без збор сосема јасно стави до знаење колку му значи мислењето на Касан. Леао реагираше со бројни „емотикони“ со слика на кловн.
Касано играше за репрезентацијата од 2003 до 2014 година и забележа 39 настапи на кои постигна 10 гола, два од нив на Европското првенство во 2004 година и еден на ЕУРО 2012. Играше за Бари, Рома, Реал Мадрид, Сампдорија, Милан, Интер, Парма, Сампдорија и Верона.
🤡🤡🤡🤡🤡🤡🤡 https://t.co/wemss1mFXq
— Rafael Leão (@RafaeLeao7) April 8, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино си заминува од Челзи
Од Англија пристигнуваат вести дека аргентинскиот тренер Маурисио Покетино ќе го напушти Челзи.
„Сините“ сезоната во Премиер лигата ја завршија на шестото место со 63 бодови.
Со ова изборија пласман во Конференциската лига, што секако не соодветствува со амбициите на клубот.
BREAKING: Mauricio Pochettino is leaving Chelsea as head coach after one season in charge 🚨🔵 pic.twitter.com/8Forlxrsdj
— Sky Sports Premier League (@SkySportsPL) May 21, 2024
Особено по огромните инвестиции кои ги имаше Челзи, а Покетино мораше да го плати цехот.
По завршувањето на сезоната, Аргентинецот имаше средба со челниците на клубот и со заедничка одлука беше решено двете страни да се разделат.
Се уште не е познато кој е во плановите на раководството на Челзи за негов наследник.
Спорт
Хезоња за својата иднина: „Немам идеја“
Кошаркарот на Реал Мадрид, Марио Хезоња изјави дека се уште нема поим што ќе се случува со неговата кариера во иднина.
Договорот на хрватскиот кошаркар со „кралскиот клуб“ истекува на крајот од сезоната, па прашање на сите прашања е дали тој ќе остане во Мадрид.
„Немам идеја. Флорентино Перез ми се заканува секој пат кога ќе ме види во трпезаријата дека морам да останам овде. Се надевам дека е така. Сите работиме да биде така“, изјави Хезоња за Ел Мундо.
Грчките медиуми го поврзаа со Панатинаикос, а има навестувања и за други потенцијални дестинации за најдобриот стрелец на Реал.
Хезоња сезонава имаше просек од 13,7 поени и 4,4 скока на 36 натпревари во Евролигата.
Хезоња и Реал во петок се соочуваат со фајналфорот во Евролигата, а во полуфиналето во Берлин ќе играат против Олимпијакос, што ќе биде реприза на ланското финале во кое подобри беа избраниците на Чус Матео.
Спорт
Англија со најголемите ѕвезди ќе настапи на ЕУРО 2024
Селекторот на Англија, герет Саутгејт го објави спискот на фудбалери за ЕУРО 2024. На спискот има 33. фудбалери, што значи дека до почетокот на првенството ќе седуммина од кои еден сигурно ќе биде голман.
На ЕП нема да патува долгогодишниот член на националниот тим, Џордан Хендерсон.
Списокот на Саутгејт:
Голмани: Дин Хендерсон, Џордан Пикфорд, Арон Рамсдејл, Џејмс Трафорд
Одбрана: Џеред Брантвајт, Луис Данк, Џо Гомез, Марк Гуеи, Езри Конса, Хари Мегваер, Лук Шо, Џон Стоунс, Киеран Трипиер, Кајл Вокер.
Среден ред: Трент Александар-Арнолд, Конор Галагер, Кертис Џонс, Коби Мајно, Деклан Рајс, Адам Вартон, Џерод Боувен
Напад: Џуд Белингем, Џерод Бовен, Еберечи Езе, Фил Фоден, Џек Гралиш, Ентони Гордон, Хари Кејн, Џејмс Медисон, Кол Палмер, Букајо Сака, Ајван Тони, Оли Воткинс.
Англија на ЕП е во Ц групата заедно со Данска, Словенија и Србија.