Спорт
Сензација во Индијан Велс, лаки лузер го елиминира Ѓоковиќ
Лука Нарди, 123. играч на АТП листата, приреди сензација на Мастерсот во Индијан Велс со елиминацијата на светскиот број 1, Новак Ѓоковиќ.
Нарди, кој на турнирот влезе како лаки лузер, славеше во три сета со 6:4, 3:6, 6:3.
„Мислам дека никој досега не слушнал за мене. Се надевам дека публиката уживаше во играта. Презадоволен сум”, изјави Нарди по мечот.
Пред четири недели, Нарди, тенисер кој е 462. во светот, а сега го победи најдобриот.
„Не знам човече. Навистина не знам. Мислам дека ова е чудо. Имам 20 години и сум 100 позиции пониско рангиран од Новак кој го победив. Лудо”, додаде Нарди.
Инаку, во четири од последните пет порази, ривали на Новак беа Италијанци.
„Му честитам бидејќи играше одличен тенис во третиот сет. Го гледав како игра. Не знаев многу за него, но го гледав како игра и знаев дека игра одлично од основната линија, особено форхендот. Добро се движи . Му помогнав да игра добро, јас не го правев тоа. Направив навистина страшни неизнудени грешки. Играв прилично дефанзивно. Не бев многу на топката во третиот сет. Играше слободно и агресивно, доволен му беше брејкот при 3:2 во третиот сет. Денеска беше малку ветровито. Сосема спротивно од она што се случуваше претходните денови на тренинг и на првиот меч. Тоа не е оправдување. Требаше да биде многу подобро. Повторувам, секоја чест за него”, рече Ѓоковиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Првиот асистент на Клоп ќе го предводи Салцбург
Тренерот на Ливерпул, Јирген Клоп заедно со своите соработници го напушта клубот. В недела последен пат Клоп со својот стручен штаб ќе ги води „црвените“.
Јирген Клоп по девет години на „Енфилд“ реши да паузаира една сезона. За разлика од него, неговиот прв асистент Пеп Лајндерс веќе знае каде ќе биде наредната сезона.
Лајндерс денеска потпиша тригодишен договор со Ред Бул Салцбург.
41-годишниот Холанѓанецот пристигна во Ливерпул во 2018 година и со клубот ги освои сите можни трофеи.
Лајндерс е четврти тренер на Салцбург за само една година. На крајот од претходниот шампионат клубот се раздели со Матијас Џејсли, диригентската палка ја презеде Герхард Штрубер, но по слабите резултати во првенството (три бода помалку од Штурм) си замина, па сезоната ќе ја заврши Онур Цинел.
Спорт
Еден од клучните играчи го напушта Баер Леверкузен
Шампионот на Германија Баер Леверкузен успеа да го задржи тренерот Чаби Алонсо, вундеркиндот Флоријан Вирц, но по се изгледа ќе остане без еден од клучените играчи.
Десниот бек Џереми Фримпонг има неверојатна сезона. На 44 натпревари постигна 13 гола и забележа 12 асистенции.
Неговата откупна клаузула е 40 милиони евра и тој автоматски ќе биде слободен доколку некој клуб ја активира.
За холандскиот репрезентативец има голем интерес. Прв во редот Манчестер јунајтед, а 40 милиони се подготвени да потрошат и Арсенал, Баерн и ПСЖ.
Спорт
Џирона мора да реши еден проблем доколку сака да игра во ЛШ
Конзорциумот „Сити Фудбал Груп“, кој е сопственик на Манчестер сити, ќе мора да го намали својот удел во шпанскиот прволигаш Џирона со цел каталонскиот клуб следната сезона да се натпреварува во Лигата на шампионите за прв пат во својата историја, објави УЕФА.
Џирона, 47 отсто во сопственост на „Сити Груп“ од 2017 година.
На почетокот на сезоната во Џирона беа убедени дека ги следат правилата на УЕФА бидејќи конзорциумот од Емиратите нема мнозински удел.
Но, според писмото од Телото за финансиска контрола на клубовите (ЦФЦБ) на УЕФА, доволно е субјектот „да поседува 30 проценти или повеќе од капиталот на клубот или правата на глас“, или дури и само 10 проценти ако е негов главен акционер.
За да можат Манчестер Сити и Џирона да се натпреваруваат заедно во Лигата на шампионите, „Сити Груп“ ќе мора да го намали својот удел во каталонскиот клуб до 3 јуни, крајниот рок што го постави УЕФА.
Со цел да се избегне избрзана продажба на акции, што би била и економски неповолна, писмото на ЦФЦБ сепак им нуди на клубовите привремена опција, ограничена на претстојната сезона: трансфер на акции во фонд за доверба без права на инспекција, под контрола на УЕФА.
Минатата година, истото правило за повеќекратна сопственост доведе до три случаи против Тулуз и Милан, Астон Вила и португалскиот клуб Виторија, како и Брајтон (Англија) и Унион Сент Жилоа (Белгија).
УЕФА конечно ги затвори трите досиеја по „значајните промени“ во тие клубови за да го ограничи влијанието на нивните инвеститори.