„Зароби го судството па повикај на ветинг; Вметни партиски кадри, роднини и деца како судии и обвинители па повикај на ветинг; Ре-зароби го судството па повикај на ветинг; Донеси редица на закони за амнестија па повикај на ветинг; Донеси измени на КЗ па повикај на ветинг; Штелувај избори за Шеф на ОЈО ГОКК па повикај на ветинг”.
Ова го истакнува професорот на правниот факултет д-р Денис Прешова во објава на социјалните медиуми, коментирајќи ги предизборните ветувања на владеачките ДУИ и СДСМ. Со оваа анализа, тој ја покажа целата апсурдност на идејата на власта на ДУИ и СДСМ за реформи во судството.
Според професорот Прешова, доколку судиите продолжат да молчат и целосно сервилно да си се грижат единствено за своите плати и привилегии наместо да се грижат за правдата и правата, ќе нема кој да ги брани во иднина.