Млад човек од германскиот округ Вадшут до смрт ги избодел родителите и братот, додека тешко ја ранил својата сестра, пишува германскиот весник „Билд“.
Тој синоќа ги нападнал родителите на возраст од 58 и 61 година и братот и сестрата, соопшти германската полиција.
Таткото и мајката, како и братот (34) починале на лице место во станот во областа Валдшут, во германската покраина Баден-Виртемберг.
Младиот човек тешко ја повредил својата сестра, која со хеликоптер била пренесена во болница. За среќа, нејзиниот живот не е во опасност.
Деветнаесетгодишникот е уапсен на лице место. Тој има германско и италијанско државјанство, пренесува Танјуг.
