Таеквондо клубот „Бутел“ освои 33 медали на турнирот „Охрид Опен 2023“
Второто издание „Охрид Опен 2023“ во олимписко таеквондо се одржа на 25 март во СРЦ „Билјанини Извори“.
Турнирот беше организиран од Таеквондо клубот „Хваранг ФИСТ“ и Македонската Таеквондо Федерација.
На натпреварот како што најавија од федерацијата, присутни беа олимпискиот медалист Дејан Георгиевски, како и Филип Додевски, Мила Релиќ и Анамарија Георгиевска кои се потенцијални кандидати за следните Олимписки игри во Париз.
На овој турнир првото место во севкупен клупски план го освои Таеквондо клубот „Бутел“ со 33 медали од кои 13 златни, осум сребрени и 12 бронзени. Најдобар јуниор на турнирот е членот на ТК „Бутел“, Филип Блажевски.
Свое учество имаше и ТКД „Гоце Делчев – ГОДЕЛ“ кој освои седум медали (три златни, по два сребрени и бронзени).