Свет
(Видео) Пожар избувна во огромна зграда во Кина, има 15 загинати, а сомнежот е дека се запалил електричен велосипед
Петнаесет луѓе загинаа, а повеќе од 40 се повредени во пожар што зафати станбена зграда во источна Кина, соопштија локалните власти. Снимките на социјалните мрежи покажаа пламен и облаци од црн чад како проголтаа неколку ката од облакодер во градот Нанџинг.
Официјални лица изјавија дека пожарот избувнал на првиот кат од зградата, каде што се чувале електрични велосипеди, но точната причина за пожарот останува под истрага. Зградата се наоѓа во областа Јухутаи во Нанџинг, град со повеќе од осум милиони жители кој се наоѓа на околу 260 километри северозападно од Шангај.
Екипите за итни случаи првпат примиле дојави за пожар во петокот во 4:40 часот по локално време, соопштија властите утринава. На интервенција биле испратени 25 противпожарни возила и 130 пожарникари, а пожарот бил изгаснат во 06:00 часот. Акцијата за пребарување и спасување заврши околу 14 часот.
Од 44 повредени лица испратени на лекување во болница, еден е во критична состојба, а другиот е тешко повреден, соопштија официјални лица. На прес-конференција, градоначалникот на Нанџинг, Чен Жичанг, изрази сочувство и им се извини на семејствата на жртвите.
Фотографии од облакодерот од воздух, објавени вчера по гаснењето на пожарот, покажуваат станови долж целата зграда со поцрнети фасади.
Во Кина често се случуваат пожари и други фатални несреќи поради слабото спроведување на безбедносните стандарди. Неодамнешниот бран на смртоносни пожари низ целата земја го поттикна претседателот Си Џинпинг минатиот месец да повика на „длабоко размислување“ и поголеми напори за „спречување на честото појавување на безбедносни несреќи“.
Chinese high rise apartment buildings are the single worst thing about China. Only a few days after the Chinese new year, an electric scooter caused a fire in one such building in Nanjing, Jiangsu Province.15 lives perished in the fire. In this video you can hear people screaming pic.twitter.com/Q86YXQlwJJ
— Augustus (@HongqiN701) February 24, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Девојка од Чикаго на 17 години стана доктор на науки
Дороти Џин Тилман од Чикаго стана најмладата личност, на 17 години, што успеа да се здобие со докторска диплома за интегрирано бихевиорално здравје во Аризона.
„Ова е прекрасна прослава и се надеваме дека Дороти Џин ќе инспирира повеќе студенти. Но, ова е нешто многу ретко и уникатно“, вели вонредниот професор Лесли Менсон.
Кога повеќето ученици се обидуваат да се адаптираат во средно училиште, Дороти веќе беше запишана на колеџот во Лејк Каунти во северен Илиноис, каде што дипломира психологија.
Во 2018 година таа дипломира на отсекот хуманитарни науки на колеџот „Екселсиор“ во Њујорк. Две години подоцна, магистрира на колеџот „Јунити“ во Мејн пред да биде примена на Програмата за бихевиорално управување.
Поголемиот дел од нејзиното образование го реализира на далечина, преку онлајн настава.
Како што вели таа, најголема заслуга за целото нејзино образование има нејзината баба, како и нејзината мајка, на која е благодарна за помошта и насочувањето. Секако, целиот образовен процес не бил без жртва.
„Немав секојдневна училишна работа, немав училишно фотографирање или работи кои создаваат единство меѓу врсниците “, вели таа.
Свет
Трамп вети олеснување на прописите во САД за поседување оружје што ги воведе Бајден
Поранешниот американски претседател и републикански претседателски кандидат Доналд Трамп вети во говорот во Националната асоцијација за пушки (NRA) дека ќе ги олесни прописите за поседување оружје што ги воведе демократскиот претседател Џозеф Бајден.
Трамп го искористи обраќањето до илјадници членови на NRA во Далас за да ја расветли неговата политика, но и да ги охрабри членовите на NRA да гласаат на ноемвриските избори, пренесува Ројтерс. „Треба да ги натераме сопствениците на оружје да гласаат. Мислам дека сте бунтовен куп.
„Бидете бунтовни и гласајте овој пат“, рече Трамп во говорот што траеше повеќе од 90 минути.Националната асоцијација за пушки (НРА) со ентузијазам го поддржа Трамп за време на претседателската трка во 2016 година и во текот на неговата администрација.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.