ЕСМ-Снабдување со топлина ги информира потрошувачите приклучени на системот за централно греење со кој управуваат компаниите формирани од АД ЕСМ, како и подружницата Енергетика, дека за утре (18 април) се создадени услови за испорака на топлинска енергија.
– Оваа информација е согласно одлуката на Регулаторната комисија за енергетика и водни услуги на РСМ, а врз основа на прогнозираната средна дневна температура на воздухот во Скопје од 11˚С за 18.4.2023 година од Управата за Хидрометеролошки работи – информираат од компанијата.
Снабдувањето со топлинска енергија, согласно регулативата, по правило се врши до 15 април, но грејната сезона може да биде продолжена, до 30-ти април, во зависност од временските услови.
– Конечната одлука за испорака на топлинска енергија во деновите по 15 април секојдневно носи Регулаторната комисија за енергетика и водни услуги на РСМ ако се исполнети условите за снабдување со топлинска енергија, односно доколку прогнозираната средна надворешна температура за наредниот ден е еднаква или помала од 12°С според податоците од УХМР – велат од компанијата.
За информации, рекламации или пријави на дефекти, потрошувачите може да се јават во Центарот за грижа за потрошувачи.
За потрошувачите на ЕСМ – Снабдување со топлина:
*Центар за грижа на потрошувачи (24/7): 02 3076 200 и 075 400 100
За потрошувачите на ЕСМ- Енергетика:
*Дефекти и протекување (24/7): 071 313 405
*Центар за грижа на корисници (пон-петок,07.00–19.00): 02 3104 816
*Рекламации за квалитет на греење (пон-петок, 07.00-19.00): 02 3104 872