Еден од најдобрите италијански кошаркари, Симоне Фонтекио би можел да ги пропушти престојните квалификации за пласман на Олимписките игри поради повреда.
Фонтекио е надвор од терените од 18. март кога го повреди левото стапало, а и покрај тоа што се чинеше дека повредата на кошаркарот на Детроит Пистонс не е сериозна, не е таков случајот.
„Прво мислевме дека е само обичен удар, модрица и оток, но повредата на стапалото е далеку покомплексна отколку што се чинеше. Се уште се борам со тоа. Се обидувам да ги решам проблемите што е можно поскоро. Ќе се вратам во Италија каде ќе продолжам со рехабилитацијата, а откако ќе ја надминам повредата ќе размислувам за репрезентацијата“, изјави Фонтекио.
Италија во првите квалификации силите ќе си ги одмери со Порторико и Бахраин од 2. до 7. јули во Порторико.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА