ПУКАА ПЕТАРДИ, ЗАПАЛИЈА СЕМАФОР И ГАЃАА ПОЛИЦАЈЦИ - белгиските фанови направија опасни нереди по поразот
Објавено во: Свет 27 Ноември, 2022
Судири избувнаа во Брисел по победата на Мароко над Белгија на Светското првенство, при што „десетици луѓе“ ја нападнаа полицијата, соопшти полицијата. Уште пред крајот на натпреварот, десетици лица, од кои некои маскирани, предизвикале конфликт со полициските сили во центарот на градот, со што ја загрозиле јавната безбедност“, се вели во соопштението на полицијата.
Од полицијата велат дека толпата употребувала пиротехнички средства и палки, фрлала камења по полицајци и запалила семафор, а на еден пат избувнал пожар. „Еден новинар бил погоден со пиротехничко средство во лицето“, извести полицијата, која потоа решила да интервенира со водени топови и солзавец.
Во интервенцијата учествувале околу стотина полицајци додека незадоволните ги гаѓале со камења.
Полициските сили ги повикаа жителите и навивачите да избегнуваат некои населби во центарот на градот. Станиците на метрото беа затворени, а улиците беа блокирани за да се спречат собири.
„Најостро ги осудувам инцидентите што се случија попладнево. Полицијата веќе решително интервенираше. Им препорачувам на навивачите да не доаѓаат во центарот на градот. Полицијата на сите начини се обидува да го зачува јавниот ред“, напиша на Твитер градоначалникот на Брисел, Филип Клоуз. . „И наредив на полицијата да продолжи со административно апсење на бунтовниците“, додаде тој.
Фото: Твитер