Спорт
(Видео) Спектакуларен гол на Дамашчан, Македонија ремизираше со Молдавија
Foto/ ffm.mk
Фудбалската репрезентација на Македонија, во пријателски натпревар во Анталија, одигра 1:1 против Молдавија. Ова беше четврти меѓусебен дуел и четврти нерешен резултат на двете репрезентации.
Македонија во поголемиот дел од натпреварот беше подобриот тим на теренот. Македонија во првото полувреме ја контролираше играта, го имаше поседот на топката, а наградата за таквиот пристап дојде во првата минута од судиското надополнување на времето.
Барди путираше од 25 метри, молдавскиот голман само ја одби топката на која налета Миовски и ја смести во голот. За напаѓачот на Абердин ова беше трет гол во дресот на националниот тим.
Македонија подобро влезе и во второто полувреме. Одлична шанса во 56. минута имаше Милан Ристовски, но откако убаво се ослободи од одбранбениот фудбалер, шутираше за малку покрај голот на Молдавија. Две минути подоцна се обиде и Илјазовски.
Елиф Елмас во 76. минута по одлично проигрување со Митровски шутираше од добра позиција, но повторно одбрани гостинскиот голман.
Молдавија изедначи во 83. минута. Спектакуларен гол постигна Витали Дамашчан. По нафрлување од десната страна, напаѓачот на Молдавија со прецизен волеј удар го совлада Димитриевски.
За три дена Македонија ќе игра ротив Црна Гора.
North Macedonia 1-[1] Moldova – Vitalie Damascan scissor kick 82′
byu/Meladroitdimage insoccer
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Мартин го покори Ле Ман, Маркез втор пред Бањаја
Возачот на Прамак Дукати, Хорхе Мартин, ја комплетираше двојната победа во Ле Ман. Вчера победи во спринт трката, а попладнево беше најдобра во трката за Големата награда на Франција.
Шпанецот ја оствари својата втора победа оваа сезона, има три победи во спринт трките, за четири и пол десетинки пред Марк Маркез на Гресини Дукати. На третото скалило на победничкиот подиум се најде бранителот на титулата Франческо Бања на Дукати.
На патеката „Бугати“ се одвиваше неверојатна борба, која кулминираше во последниот круг. Бањаја беше на врвот од почетокот, кога ја презеде водечката позиција од Мартин, додека Маркез се пробиваше низ поредкот, тој стартуваше од 13. место.
На седум круга до крајот Мартин успеа да го мина Бањаја, а актуелниот првак на крајот ја загуби и втората позиција. Маркез го престигна Бањаја во втората половина од последниот круг.
Најдобар од останатите беше вториот возач на Дукати, Енеа Бастианини, зад него беа Маверик Вињалес на Априлија, Фабио Ди Џанантонио (ВР46), Франко Морбидели на Прамак Дукати и Бред Биндер од КТМ Рејсинг.
Спорт
Зошто играчите на Милан ги носеа моминските презимиња на нивните мајки на дресовите?
Милан го декласираше Каљари со 5:1 на „Сан Сиро“ во 36. коло од Серија А. Двоен стрелец за избраниците на тренерот Стефано Пиоли беше Кристијан Пулишиќ, кој погоди во 59. и 86. минута, додека по еден гол постигнаа Исмаел Бенасер во 35., Тијани Рајндерс во 74. и Рафаел Леао во 83 минута.
На две кола пред крајот на италијанското првенство, Милан има 74 бодови и го обезбеди второто место, со оглед на тоа што третопласираната Болоња заостанува седум бода.
Натпреварот помеѓу Милан и Каљари го привлече внимание поради акцијата што ја изведоа фудбалерите на Стефано Пиоли.
Денеска е Денот на мајката, а фудбалерите на Милан го одбележа со тоа што играчите на дресовите наместо своите и го носеа моминските презимиња на нивните мајки.
Целта на иницијативата беше да се подигне свеста за правото на личен идентитет, што произлегува од пресудата на италијанскиот Уставен суд од април 2022 година, кој одлучи дека автоматското доделување на презимето на таткото е дискриминаторски.
Од 1 јуни 2022 година и двајцата родители на детето мора да имаат право на избор на презимето.
„Играњето со презимињата на нашите мајки на дресовите е посебен начин да им оддадеме почит на неверојатните жени кои нè обликуваа и нè поддржуваа во текот на нашите животи. Тоа е важен гест што ја нагласува важноста на семејството и врската која нè движи на теренот и во приватниот живот. Горд сум што ја претставувам мајка ми на овој уникатен и искрен начин“, рече Пулишиќ.
Спорт
Лапорта и Чави сакаат да се ослободат од Левандовски – Атлетико внимателно ја следи ситуацијата
Џоан Лапорта успеа да ја стабилизира Барселона, но клубот се уште има финансиски проблеми. Барселона мора да продава за да донсе нови играчи, исклуок се оние кои се слободни. Таков е случајот со Гвидо Родригез од Бетис, кој според шпанските медиуми по завршувањето на сезоната како слободен играч ќе се пресели во Барселона.
Финансиската состојба, големата плата и возраста веројатно ќе го „избркаат“ Роберт Левендовски од клубот.
Полјакот има уште две години од договорот, но Лапорта и тренерот Чави планираат да го продадат Левендовски.
Кога Левандовски пристигна во Барселона како слободен играч, потпиша договор со клаузула неговата плата да расте секоја наредна сезона. Во сезоната 2024/2025, Левандовски од барселона треба да добие 23 милиони евра, што е преголема сума за клубот.
„Роберт Левандовски би можел да ја напушти Барселона ова лето. Чави и раководството на клубот веруваат дека тој нема да се врати на најдоброто ниво“, пренесуваат шпанските медиуми.
Со продажбата на Левандовски, Барселона добро би заработила, но и би ослободила простор во буџетот за плати за нови засилувања, што е и една од целите на Лапорта и неговите соработници.
Неодамна се зборуваше за наводни преговори меѓу Барселона и Атлетико Мадрид околу трансферот на Левандовски во овој клуб, но се уште се чека некоја официјална потврда.
Доколку се оствари трансферот, нема да биде првпат Барса и Атлетико да прават неочекувани трансфери, бидејќи такви трансфери се случуваа во последната деценија.
Интересно секогаш кога напаѓач на Барселона кариерата ја продолжил во Атлетико, клубот од Мадрид истата сезона ја освојувал титулата. Такви се примерите со Давид Виља и Луис Суарез.