Вооружен напад е извршен врз амбасадата на Азербејџан во Иран, при што во инцидентот загинал еден член на обезбедувањето, а двајца се ранети, соопшти Министерството за надворешни работи на Азербејџан.
Според информациите, напаѓачот вооружен со „калашников“ се упатил кон обезбедувањето почнал да пука и го убил шефот на обезбедувањето, а ранил уште двајца, но нивните животи не биле во опасност. Нападот се случил утрово во 8:30 часот по локално време, а засега нема информации дали напаѓачот е уапсен.
Во оваа прилика портпаролката на Министерството за надворешни работи на Русија, Марија Захрова, изјави дека е шокирана од овој инцидент и им изрази поддршка на азербејџанските дипломати.
Embassy of #Azerbaijan in #Tehran, #Iran was attacked this morning.
One employee of the embassy died and one got injured. pic.twitter.com/bkNF03vyno
— Adnan Huseyn (@adnanhuseyn) January 27, 2023