Претпладне ќе преовладува сончево време со мала до умерена облачност и со слаб до умерен ветер од југоисточен правец, попладне ќе има изолирана појава на пороен дожд проследен со грмежи. Утринската температура ќе се движи во интервал од 13 до 16 степени, а дневната од 18 до 29 степени.

Во Скопје претпладне со умерена облачност, попладне во делови од котлината ќе биде нестабилно со пороен дожд, грмежи и засилен ветер. Минималната утринска температура ќе се движи до 15 степени, а максималната дневна ќе достигне до 26 степени.

УХМР и за утре прогнозира нестабилно време. Претпладне се очекува да биде сончево со мала до умерена облачност, попладне нестабилно со локален пороен дожд, грмежи и засилен ветер, на места со услови за невреме со интензивен пороен дожд, силен ветер и појава на град.

Во Скопје утре претпладне сончево со мала до умерена облачност, попладне во делови од котлината нестабилно со пороен дожд, грмежи и засилен ветер.