Капело ги критикуваше клучните играчи на Милан и испрати совет до управата на клубот

Милан не игра константно во оваа сезона и тоа на крај придонесе да остане со празни раце во сите натпреварувања, ситуација која најверојатно ќе му донесе отказ на тренерот Стефано Пиоли.

„Росонерите“ ќе треба да го решат тоа, но и уште некои важни прашања во кои според легендарниот Фабио Капело се вклучени клучните играчи и нивната улога. Тој испрати критики до Леао, Мењан, Томори и Ернандес, а во исто време му даде еден јасен совет на клубот за нив.

-Во вториот дел од сезоната на Милан му недостигаше придонесот од некои клучни играчи: Мењан, Тео, Томори и Леао. Ако тие се столбовите на иднината на Милан, тешко е да се размислува како тоа да се направи тоа. Првата работа што треба да ја направат директорите е да разберат дали овие играчи сè уште сакаат да останат или дали сакаат да заминат.

-На Милан му требаат три засилувања, централен дефанзивец, централен играч за врска и очигледно центарфор, -рече Капело и додаде:

-Леао има огромен потенцијал, но никогаш не се знае каков меч ќе одигра. Затоа се сомневам. Ми се чини неверојатно што на играч со оваа класа му недостасува одлучноста што ја очекувам од играч како него. Погледнете го Белингем во Реал Мадрид. Неговото влијание беше шокантно. Така, ако Леао и Тео бидат запрени, Милан ќе изгуби 60 проценти од тимот, -порача дон Фабио.