ChatGPT е најбрзо растечка апликација на сите времиња

Четботот ChatGPT, компанија со седиште во Калифорнија OpenAI која развива вештачка интелигенција, е најбрзо растечката апликација во историјата.

Според студијата на UBS, ChatGPT имала 13 милиони уникатни посетители дневно во јануари, што е повеќе од двојно повеќе од бројот на посетители во декември. ChatGPT постои околу два месеци и веќе има 100 милиони месечни корисници, заклучува студијата.

Студијата, која цитира податоци од аналитичката компанија Similarweb, го позиционира ChatGPT наспроти другите брзорастечки апликации како TikTok и Instagram. За споредба, на TikTok му биле потребни девет месеци да достигне 100 милиони месечни активни корисници, додека на Instagram му биле потребни две и пол години.

„За 20 години следење на интернет просторот, не можеме да се потсетиме на побрз раст меѓу потрошувачките интернет апликации“, напишаа аналитичарите на UBS во студијата.

Извештајот доаѓа само еден ден откако OpenAI го лансираше ChatGPT Plus, кој е платена верзија на четботот. Чини 20 долари месечно и им нуди на корисниците пристап до ChatGPT за време на периодите на шпиц на користење, побрзо време на одговор и приоритетен пристап до новите функции.