Руската мисица Екатерина Новоселова, која ја освои титулата „Мис Твер“ во 2001 година, е убиена во терористичкиот напад во салата „Крокус“ во Москва, објавуваат руските медиуми.
Ова за за нив го потврдила поранешната директорка на агенцијата за модели, Олга Даргевич, која го организираше натпреварот во 2001 година, пренесува „Курир.рс“.
Името на Екатерина Новоселова беше на првата листа на жртви објавена од Министерството за вонредни ситуации на Русија.
– Точно е дека се случи, навистина голема трагедија – рече Даргевичева.
Таа објасни дека информацијата прво се појавила во медиумите.
– И пишав на мајка и, прашав дали пишуваат само новинари, дали е грешка… Ми напиша само два збора: „Катја умре“ – рече Олга Даргевиќ.
Според неа, Екатерина претходно живеела во Твер, учествувала на емисии и натпревари низ цела Русија.
Откако ја освоила титулата во родниот град, завршила факултет и се вработила во банка, а потоа се преселила во Москва.
– Има две прекрасни деца – момче и девојче. Беше многу бистра, многу љубезна девојка… Најљубезната личност. Шокирани сме, се уште не можеме да веруваме дека се случила ваква трагедија – рече Даргевичева.