При мојата посета на Скопје и истакнав дека уставните измени треба да се направат порано отколку подоцна. Но, го посочив и моето целосно разбирање за загриженоста што ВМРО-ДПМНЕ и македонските граѓани ја имаат кон ова прашање, пишува на социјалната мрежа на Фејсбук пратеникот во германскиот Бундестаг, Питер Бајер.
„Дадов интервју за ТВ Сител при мојата посета на Скопје и истакнав дека уставните измени треба да се направат порано отколку подоцна. Но, го посочив и моето целосно разбирање за загриженоста што ВМРО-ДПМНЕ и македонските граѓани ја имаат кон ова прашање. Ставот на сестринската партија на ЕПП, ВМРО-ДПМНЕ е веќе јавно познат и признаен. Фокусот на земјата на нејзиниот европски пат треба да биде на предизвиците и грижите што ги истакна Извештајот на ЕУ за напредокот од оваа година, пишува во својата објава Бејер.
Со сигурност знам дека ВМРО-ДПМНЕ сака да го измени Уставот, но поради процедурите за измена на Уставот и однесувањето на Бугарија сметаат дека сега не е поволен период, истакна Петер Бајер.
Во синоќешното гостување во Дневникот на телевизија Сител, кажа дека ВМРО-ДПМНЕ треба да ги зголеми напорите за воспоставување на кредибилитет дека стои зад уставните измени веднаш штом формираат влада, но како што рече, има разбирање за наративот на ВМРО-ДПМНЕ, посочувајќи дека според разговорите кои ги имал последните години со високи претставници на партијата може да се потврди нејзината проевропска позиција.
„Ова не доаѓа како изненадување, подолг период претставници на ВМРО-ДПМНЕ патуваат низ ЕУ и зборуваат и со Американците кои секогаш играат важна улога кога станува збор за овој регион. Имавме многу состаноци со нив во Брисел и Берлин и тие објаснија кој е нивниот наратив и аргументи, и јас и останатите можевме да ја сфатиме логиката. Така што мислам дека се проевропски, но треба да ги зголемат напорите за воспоставување на кредибилитет во смисла на тоа дека стојат зад уставните измени веднаш штом формираат влада“, рече Бајер.
Според разговорите кои ги воделе со ВМРО-ДПМНЕ изминативе години, вели не просведочил висок претставник на партијата да каже нешто јавно против Европската унија.
„Не сум просведочил висок претставник на ВМРО-ДПМНЕ да каже нешто јавно против Европската Унија, напротив од сите разговори кои ги имавме последниве години сум просведоичил на многу проевропски позиции и знам со сигурност дека тие сакаат да се измени Уставот, но имаат аргументи и причини зошто велат не сега, поради процедурите на измена на Уставот, но исто така и поради однесувањето на Бугарија и некои од нејзините највисоки претставници. Имам силно разбирање зошто ВМРО-ДПМНЕ дејствуваше така како што дејствуваше“, рече Бајер.
Потенцираше дека било која идна влада ќе мора да го реши ова прашање. Очекувањата, вели Бајер, се дека идната влада ќе ги спроведе уставните измени до крајот на оваа година.
„По изборите доколку победат и формираат влада или која и да е друга влада ќе мора да се справи со ова прашање. Мое очекување е дека следната влада ќе биде проевропска, ќе ги спроведе уставните измени и тоа не следната година, туку пред крајот на оваа година“, рече Бајер.
