Вчерашниот пожар на стариот полигон под Скопското кале зафати пет возила. Повредени лица нема
Полицијата презема мерки за расчистување на случајот и утврдување на причините за пожарот што избувна вчера под скопското Кале, во кој беа опожарени пет автомобили.
Оттаму информираат дека до нив вчера, во 13:25 часот, стигнала пријава дека на улицата ,,Лазар Личеноски” на дивиот паркинг кај поранешниот полигон настанал пожар, при што горела сува трева.
„Од пожарот целосно биле опожарени пет патнички возила со скопски регистарски ознаки: ‘сеат леон’ сопственост на Б. А. (32) од Скопје, ‘мерцедес’ сопственост на М. Г. (41) од Скопје, ‘сеат леон’ сопственост на М. Т.(19) од нас. Илинден, Скопје, ‘тојота’ сопственост на А. Т. (28) од Скопје и ‘рено’ сопственост на Б. Б. (42) од Скопје. Исто така, од пожарот делумно било опожарено и патничко возило ‘хјундаи’ со скопски регистарски ознаки, сопственост на А. А. (39) од Скопје“,
соопшти Министерството за внатрешни работи.
Повредени лица нема, а пожарот беше изгаснат по интервенција на скопската противпожарна бригада.