Ракометниот суперлигаш Охрид ги засили своите редови со ангажман на српскиот десен бек Предраг Вејин кој пристигнува во македонското првенство од грчки Олимпијакос.
Тоа за 32-годишникот воедно претставува и враќање во Македонија каде во минатото ги бранеше боите на Металург. Со себе носи и богато искуство со настапи за Нексе, Висла Плоцк, Адемар Леон…
Вејин со Охрид потпиша на две години па не го криеше задоволството што се враќа во Македонија каде како што вели се чувствува како дома.
„Се радувам што во следните две сезони ќе го носам дресот на Охрид. Ме радува новиот предизвик, но и доаѓањето во Македонија, во земја каде што ракометот е спорт број еден и каде што се чувствувам како дома“, изјави Вејин.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
