Наставата во учебната 2023/2024 година ќе се реализира целосно како што предвидуваат плановите за организација на училишта. Иако гласањето во рамки на првиот и вториот изборен круг е закажано во работни денови, учениците нема да изгубат од наставата и да пропуштат дел од наставниот материјал, соопштуваат од Министерството за образование.
23 април и 7 мај, односно деновите пред гласањето ќе бидат работни за сите училишта. При тоа, во училиштата во кои ќе се одвива изборниот процес, наставата ќе се реализира од 7:00 до 11:00 часот, со скратени наставни часови за сите одделенија.. Во останатите училишта каде не се спроведува гласање, наставата се реализира вообичаено и согласно предвидениот дневен распоред.
Од МОН потсетуваат дека учебната година во средните училишта трае до 10 јуни, додека во основните училишта се продолжи до 17 јуни.