Владата на Црна Гора одби да го признае барањето во процесот на медијација и да врати 28 килограми полускапоцен камен – опал. Станува збор за накит што пред повеќе од 10 години бил одземен од сопственик на хотел во Будва. Тие биле внесени во земјава од државјани на Јужна Африка, кои не го пријавиле накитот на царина, на аеродромот во Подгорица. Скапоцените камења сега се во трезорот на Централната банка на Црна Гора.
Двајца Јужноафриканци донеле 28 килограми опал во Црна Гора, кои прво биле пронајдени кај сопственикот на хотел во Будва, а потоа кај црногорската Влада, која имала намера да ги продаде.
Владата на Црна Гора одби да го признае побарувањето во процесот на медијација и да врати 28 килограми полускапоцени камења – опал, кои беа одземени пред 10 години, од сопственик на хотел.
Тие биле донесени во земјата во јули 2011 година, од јужноафриканските државјани Роберт Фрањек и Антоние Вернон Стреленски. Една година подоцна, накитот бил пронајден кај сопственикот на хотел во Будва и прогласен за државен имот. Нивната вредност е 300 милиони евра.
Фрањек и Стреленски поднеле барање за враќање на имотот до Основниот суд во Котор. Освен што бараат враќање на полускапоцените камења, бараат и надоместок за штетата на колекцијата, бидејќи исчезнале пет килограми скапоцени камења.
Според претходните пишувања на Слободна Европа, во 2012 година тие го пријавиле сопственикот на хотелот во Будва, Б.Ќ., обвинувајќи го дека со измама им ги зел скапоцените камења.
Во полиција рекле дека ги чекал на аеродромот во Подгорица, каде што „ја заобиколиле царината“ и ги однел во хотелот како негови гости, а накитот ги оставиле во сефот на хотелот. Кога, како што тврдат, сопственикот на хотелот една година подоцна одбил да им го врати накитот, го пријавиле во полиција.
По пријавата, полицијата го запленила накитот, а во септември 2012 година Основниот суд во Подгорица трајно го одзела, бидејќи, како што стои во решението, бил внесен без царински прописи, што е кривично дело.
Покрај тоа што им го одзеле накитот на Б.Ќ., Фењек и Стреленски во април 2013 година биле казнети со по 4.000 евра.
Нема многу информации за бизнисите на двајцата Јужноафриканци. Фрањек се претставува како почесен гроф на царската куќа Чернетиќ, а Стреленски како конзул на истата куќа, во Јужноафриканската Република во Преторија. Инаку, се работи за измислена империјална линија чиј претставник е Стефан Чернетиќ, кој ѝ стана познат на јавноста кога се појави на приемот на Денот на државноста во 2022 година и се сликаше со тогашниот претседател Мило Ѓукановиќ, пишува РТЦГ.
Според РТЦГ, Владата имала намера да го продаде накитот, но била спречена во тоа поради забраната на судот за располагање со овие скапоцени камења додека не се реши спорот со правосилност.
Во август минатата година, беше најавено дека Владата ќе посредува да се постигне договор околу сопственоста. Сепак, најновата вест е дека посредувањето пропаднало.
Скапоцените камења сега се во трезорот на Централната банка на Црна Гора.
