Османи пред жителите на Врапчиште побара поддршка од граѓаните за да може државата да го продолжи европскиот пат

Кандидатот на „Европскиот фронт“, Бујар Османи пред жителите на Врапчиште побара поддршка од граѓаните за да може државата да го продолжи европскиот пат, за годинава да се направат уставните измени, да се отворат поглавјата и да се овозможи членството на земјата во ЕУ до 2030 година.

„Ќе овозможиме интеграција во ЕУ за 5 години со сите стандарди и услови што ги нуди ЕУ. Ќе го вратиме етничкиот соживот, оваа убавина што ја имаме денес овде и што ја гледам на секој собир на европскиот фронт и ќе го вратиме економскиот развој, животниот стандард, ќе ги вратиме нашите деца што избегаа, ќе ја прекинеме загриженоста на секоја мајка, дали нејзиното дете ќе замине или не“, рече Бујар Османи, кандидат за претседател.