Спасувач од планинската служба кој повеќе од 20 часа ги водеше оние кои учествуваа во пребарување на теренот по малата Данка Илиќ (2), утрово во програмата „Разбуди се“ на ТВ Нова, рече дека, за жал, ова не е прв пат да се сретнат со ваков случај.
„Сите сме свесни дека тоа е нешто што бара итно решение, не размислувавме за заморот. Акцијата беше детално испланирана затоа што сакавме да пребараме што поширок простор во најкус можен рок. Теренот е ридски со многу височинки и падови, а најтешка околност беше темницата. „Во голем дел од потрагата беше ноќ, па дожд и магла, но најтешка околност е ниската вегетација, каде што треба да се помине секој метар“, рече Алексиќ.
Тој посочи дека е неопходно во потрагата да учествуваат луѓе кои знаат да се движат по таков терен, кои знаат да се ориентираат и да разберат кој е нивниот сектор во потрагата за да го направат тоа што е можно побрзо и подобро.
„Градоначалникот во еден момент побара од луѓето да се разотидат бидејќи одреден број од тие луѓе почнаа да вршат приватен претрес на просторот каде службите почнаа да ја вршат својата работа, особено со кучиња. Проблемот е кога кучето ќе ја почувствува таа личност на теренот. Во еден момент имаше толку многу луѓе што изгледаше хаотично и беше проблем“, објасни тој.
Алексиќ во оваа прилика им се заблагодари на колегите од Хрватска кои вчера понудија помош во потрагата.
