Лига на шампиони
Челси тврди дека е „ограбен“ против Барселона, фановите се потсетија на контроверзниот меч од пред 15 години
Лигата на шампионите во женска конкуренција влезе во самата завршница, а од вчера е познат и првиот финалист.
Барселона го победи Челси на „Стемфорд Бриџ“ со 2:0 и го неутрализираше минималниот пораз од првиот натпревар, со што си обезбеди место во големото финале, но и ова соочување на овие две екипи не помина без скандал.
Предводничката на Челси, Ема Хејс тврди дека во Лондон е донесена „најлошата одлука во историјата на ова натпреварување“, а за тоа ја обвини романската судијка Јулијана Деметреску, која и покажа втор жолт картон на Кадиша Буканан во 59. минута од натпреварот.
Барса веќе имаше водство, а во 75. минута реализираше пенал преку Ролфо за конечни 0:2 и пласман во големото финале.
Фановите на Челси се потсетија на контроверзното соочување на машките екипи од истите клубови од пред 15 години, натпревар кој мина во знакот на спорното судење на норвешкиот судија Том Овребо и голот на Иниеста кој ја одведе Барса во финалето.
– Бев изненадена кога видов кој ќе ја дели правдата. Таа е позната како судија кој лесно доделува жолти картони, а мислам дека ова беше веројатно најлошата одлука во историјата на женската Лига на шампиони. Дури и противничките рекоа дека судијата им помогнал, за мене ова не беше прекршок, а не пак и жолт картон, – рекла менаџерката на Челси.
Thoughts on the Buchanan red card? 🤔 pic.twitter.com/sxDXyTfoUr
— Fanzine WSL (@FanzineWSL) April 27, 2024
За да биде поинтересно, Барселона на еден од своите официјални профили на „Икс“ го спореди голот на Бонмати со тој на Иниеста од 2009 година.
Andrés Iniesta, 6 de maig de 2009
Aitana Bonmatí, 27 d’abril de 2024 https://t.co/f7evrMVTRq— FC Barcelona Femení (@FCBfemeni) April 27, 2024
Денеска од 16 часот се игра француското дерби меѓу ПСЖ и Лион, по кое ќе биде познат и вториот финалист. Лион победи на првиот натпревар со 3:2, а голема чест и одговорност да го води денешниот реванш доби најдобрата македонска судијка, Ива Пројковска.
-
Шпанијапред 21 час
Чави и Деко се согласиле за продажба на една голема ѕвезда на Барселона
-
Германијапред 20 часа
Баерн добил негативен одговор и од премиерлигашки менаџер
-
Шпанијапред 5 часа
Анчелоти ја повтори незаборавната слика од пред две години на шампионската парада во Мадрид (Видео)
-
Италијапред 23 часа
Четата на Мота на чекор од ЛШ: Одличната Болоња го освои и Неапол (ВИДЕО)
-
Германијапред 11 часа
Тухел со ладна глава за поразот од Реал: Вчера мислев дека е понеделник…….
-
Светпред 8 часа
Меси добиваше лекарска помош, Рохас доби шанса да изведе слободен удар и режираше ремек-дело (Видео)
-
НБАпред 23 часа
Феникс го потврди името на новиот тренер
-
Светпред 21 час
Ал Хилал ја продолжи серијата без пораз и ја обезбеди титулата во Саудиска Арабија