Повеќе од 1.000 демонстранти се собраа во Хамбург за време на викендот за да учествуваат во демонстрации на исламисти, објавија германските медиуми.
Според германскиот весник Die Welt, демонстрациите се одржале во населбата Штајндам во Хамбург во саботата попладне.
Муслиманските демонстранти носеа различни знаци на поддршка за исламскиот фундаментализам. На еден од знаците пишува „Kalifat ist die Losung“, што во превод значи „Калифат е решението“.
Демонстрантите извикуваа и „Алаху Акбар“, што на арапски значи „Господ е голем“. Полицијата во Хамбург изјави за Die Welt дека има околу 1.100 учесници.
Протестот наводно бил организиран од група наречена Муслиман Интерактив. Според социјалните мрежи на организацијата, протестот имал за цел да се спротивстави на „демонизацијата на целиот исламски живот во Германија“.
Германскиот министер за правда, Марко Бушман, посочи дека на оние кои не го признаваат уставниот поредок на Германија треба да им се ускрати правото да останат во земјата.
„Оној што го претпочита калифатот пред уставно-правната држава, може слободно да се отсели“, рече Бушман преку платформата Х.
Hundreds of Islamists are demonstrating in Hamburg, Germany. They are demanding that a caliphate is established in the country. The organization behind the protest is called Muslim Interaktiv, and is monitored by the authorities but not banned
Via @visegrad24 @AlJazeeraWorld pic.twitter.com/P8OE5ERlJs
— Reliance TV (@reliance_tv) April 29, 2024
